Media Center Media Center

Transcript of External Affairs Minister’s interaction with Media after assuming charge

May 28, 2014

External Affairs Minister: (transliterated)Namaskar mitro, maine karyavar chaahe aupchaarik roop se aaj sambhala hai lekin kaam maine kal se hi shuru kar diya tha. Aapko maloom hai ki shapath graham samaroh mein SAARC deshon ke jo Rashtradhyaksh aaye thein, unke saath kal pratinidhi mandalon ki baithak thi aur Pradhanmantri ne sabhi aathon se kal charcha ki. Un sabhitalks mein maine unko assist kiya tha. Ek statement meri oor se likhit mein aap logon ko baanta jaa raha hai. Kal Foreign Secretary saahiba ne uske bare mein Press Conference ki thi. Lekin main aapko ye batana chahti hoon ki jo talks kal hui thi main unko bahut safal talks ki sangya is maayne mein deti hoon ki Pradhan Mantri ji ne Lekh se hat kar unse baat ki. Unhone sabhi SAARC countries ke pratinidhiyon ko kaha ki SAARC Bilateral Issues mein ulajh ka apnibadi pehchan jo bana sakta tha poore vishwa mein, woh nahi bana paaya hai aur main chanhunga ki hum bilateral contentious issues yaani aapsi paarsparik vivad ke mudde unhi deshon ke liye aapas mein chhor kar agar SAARC ek saanjhi bhoomika poore vishwa mein banaye to ek alag taqat ke roop mein ubhar sakta hai.

Unhone uspe do udaharan diye ki Bangladesh micro-financing ke liye bahut vikhyat hai, Bhutan ne apna climate bahut surakshit rakha hai. To ek kaam hum kar sakte hain ki hum log saare desh mil kar ek doosre ki jo best practices hain, unk anukaran karein, apne-apne deshon mein un best practices ka paalan karein.

Isi tarah unhone doosre baat ki, jaie tourism. Abhi har desh apne apne tourism ki baat karta hai. Kya hum SAARC tourism ke taur par ek agenda poore vishwa ke saamne rakh sakte hain. Aur usme ek bahut achcha sujhaav Maldives ke taraf se aaya ki jaise Medical tourism India mein bahut hai, to yahan log operation karaane aapke yahan aayein lekin post-operative rest ke liye woh Maldives aayein, aisa koyi package ho sakta hai.

To main ye kehna chahungi ki pehli baar SAARC desh ke logon ko laga ki ek out-of-the-box sochni waali sarkar aur out-of-the-box sochne waala Pradhan Mantri Bharat mein aaya hai aur jisse kuchh naye initiatives, nayi pehlein SAARC ke baare mein ki jaa sakti hain. Mujhe lagta hai kal ki ye ek bahot badi uplabdhi hai. Baaki ek written statement aapko mil raha hai usme uske baare mein bhi thoda jikra hai lekin ye do cheezei jo mujhe laga alag hain aur aapk logon ki batani chahiye, kal ke talks ke baad,, maine aapke saamne rakhi.

Question: Maine Rajya Sabha ya Lok Sabha, jahan bhi ho, videsh neeti par aapke mantra mugdh karne waale bhashan sune hain. Ab jab Sushma Swaraj khud Videsh Mantri hain, kya hum jaan sakte hain ki aapki prathamikataayein kya ho sakti hain?

External Affairs Minister: Meri prathamikatayein poore vishwa mein Bharat ki taqat ko, yaani jo strengths hain hamari (taqat ka matlab physical strength se nahi hai), unko rakhna.Aur poore vishwa mein Bharat ke sambandh bahot achhe karna. Aur isme sabse pehle aate hain Bharat ke padosi desh jinse shuruat kal ho chuki hai, uske baad aate hain strategic partners, uske baad aata hai hamara extended neighbourhood jo immediate nahi hain lekin thoda door hokar bhi hamare padosi hain. Uske baad aata hai Africa, uske baad aate hai ASEAN, Latin America, Europe, hamare Central Asian Republics. Ye saare jitne desh hain, in deshon ke saath hum logon sambandh achha ho, ye Sushma Swaraj ki bhartiya sarkar ki taraf se prathamikta hogi.

Question: You are very familiar with the Sri Lankan issue. The people of Tamil Nadu are looking forward to having a permanent solution on the Sri Lankan Tamils as well as the Tamil fishermen problem. What are the agendas that you have to find a solution to this problem?

External Affairs Minister: The Prime Minister raised both the issues. Of Tamil fishermen, I prefer to call them fishermen of Tamil Nadu from India. They are Indian fishermen. We raised this issue; we also raised the issue of 13th amendment. We didn’t raise the issue specifically of kachchatheevu .We raised the issue of 13th amendment with President of Sri Lanka, we raised the issue of fishermen from Tamil Nadu.

Question: Jab aap opposition mein thi, aap pichhli sarkar ki Pakistan neeti ko lekar kadi aalochana karti rahi thi. Kal hi aapki mulaqat Nawaz Sharif se hui hai. Iss sarkar ki neeti picchli sarkar se kis tarah alag hogi, jab hum Pakistan ki baat karte hain?

External Affairs Minister: Hum logo ne Pakistan se jab baat ki to humne kaha ki hum achche rishte chahte hain. Lekin baatcheet ki jo baat hai,woh baatcheet safal aur sahi tabhi ho sakti hai jab pehle aatank band ho. Jisko Pradhan Mantri kehte hain ki Bomb dhamakon ki awaz mein baatcheet ki awaz rook jaati hai, sunayi nahi deti. Inhi shabdon mein unhone unse kaha – Bomb dhamake band ho aur hum baat karein to awaz dono ko sunayi degi, lekin agar Bomb dhamake chate rahe to usme baatcheet ki awaz dab jaayegi.

Aur ye baat inh alfaz mein unhone Nawaz Sharif sahib se kahi

Question: 26/11ke speedy trial ki baat bharat ne utthai?

External Affairs Minister: 26/11 ke speedy trail ki baat humne uttahi aur unho ne bhi ye kaha ke wo is ke upper kaam karenge.

Question: America ke saath jaha tak sambandho ka sawal hai jo warmth Bush ke regime me nazar aaya tha is baar unki reply bhi bahut der se aayi Narendra Modi sahib ko Barack Obama ki congratulatory wishes per, kya America ke saath ek nuanced-balancenazar aayegi?

External Affairs Minister: Nahi, jo aap baat kar rahi hain woh shayad jaankari galat hai. Pehle hi din Obama sahib ne unse baat ki thi, swearing-in se pehle. Unki jeet ke baad ki thi aur unki nimantran bhi diya tha America aane ka. Jahan tak Kerry sahib ki baat hai, woh mujhse baat karna chaah rahe hain aur chunki President Obama koyi statement bhi dena chah rahe hain, Afghanistan se jo troops withdrawal hona hai uske upar. Kal jo hamara scheduled time tha us par baat nahi ho paayi, reschedule karke mujhse baat karenge.

Question: Jo call aaya tha Obama sahib ki taraf se, use acknowledge lagbhag 48 ghante ke baad kiya tha Narendra Modi ji ne. Kya America ki jagah Look Japan policy zyada strong hoga, ek Look East policy zyada strong hoga?

External Affairs Minister: Dono ka apna apna mahtva hai, do deshon ki aapas mein kabhi tulna nahi ki jaa sakti. Jahan tak Japan ki baat hai, Look East policy hi nahi hamara waise bhi trade relations kaafi achcha hai. Lekin America ka apna mahatva hai, ek ke upar doosre ko rakh nahi dekha jaa sakta. Dono ki apne mahtva ko dekhte hue dono se baat hogi.


For the video: Click here


Click here for Bengali versionBengali.pdf[81 KB]
Click here for Malayalam versionMalayalam.pdf[70 KB]
Click here for Urdu versionUrdu.pdf[156 KB]
Comments
Comments

Post A Comment

  • Name *
    E-mail *
  • Write Your Comment *
  • Verification Code * Verification Code